Сәуірдің 3-і күні мектебіміздің 10-сынып оқушылары Манаш Қозыбаев атындағы Солтүстік Қазақстан университетінде өткен профориентациялық «Ашық есік күні» іс-шарасына қатысып қайтты.

Оқушыларға жетекшілік еткен – мектебіміздің кәсіби бағдар беруші мұғалімі Сабитов Қайрат Сабитович.

Іс-шара барысында оқушылар университеттің түрлі факультеттері ұйымдастырған презентациялық бағдарламаларға қатысып, мамандар даярлайтын 7 факультеттің мүмкіндіктері мен жетістіктерімен жан-жақты танысты. Әсіресе, Агротехникалық және Педагогикалық факультеттер оқушылардың ерекше қызығушылығын тудырды.

Сонымен қатар, оқушылар Агротехникалық факультеттің зертханасында болып, оқу үдерісінде қолданылатын заманауи құрал-жабдықтармен танысты.

Бұл сапар оқушылардың болашақ мамандық таңдауға деген қызығушылығын арттырып, үлкен әсер қалдырды. Олар көтеріңкі көңіл-күймен, жаңа әсерлермен оралды.